အိပ်မက်လှလှ အောင်မြင်သောဘဝ (ဗန်းမော်သိန်းဖေ) Burmese Book

အကျင့်တွေကို ပြောင်းလဲချင်ရင် အဆင့်နှစ်ခုကို လုပ်ရပါမယ်။ ပထမအဆင့်က အကျိုးမဖြစ်စေတဲ့ ဒါမှမဟုတ် အနာဂတ်မှာ ဆိုးကျိုး သက်ရောက်စေမယ့် အကျင့်တွေကို စာရင်းလုပ်ပါ။ ရင်းနှီးတဲ့ အပေါင်း အသင်းတွေကိုလည်း မိမိရဲ့အကျင့်ဆိုးတွေကို ထောက်ပြပေးဖို့ အကူအညီ တောင်းပါ။ တကယ်လို့ အကျင့်ဆိုးတွေကို ရှာတွေ့ဖို့ အခက်အခဲဖြစ်နေရင် အောက်က စာရင်းကို ကြည့်ပြီး မိမိမှာ အဲဒီလို အကျင့်ဆိုးမျိုးရှိသလားလို့ ဆန်းစစ်ကြည့်ပါ။

*အလုပ်စလုပ်ဖို့ အချိန်ဆွဲနေခြင်း

*ဘီလ်တွေကို သတ်မှတ်ရက် နီးကပ်မှ ပေးဆောင်ခြင်း

*ကတိပေးထားသလို စာရွက်စာတမ်းနဲ့ ဝန်ဆောင်မှုကို အချိန်မီ မပေးခြင်း

*ကြွေးကျန်များကို အချိန်မီ မဆပ်ခြင်း

*အစည်းအဝေးနဲ့ ချိန်းဆိုထားတဲ့ ကိစ္စတွေမှာ အချိန်နောက်ကျပြီးမှ ရောက်သွားခြင်း

*မိတ်ဆက်လာသူရဲ့ နာမည်ကို မှတ်မထားခြင်း

*တစ်ဖက်သားရဲ့ စကားမဆုံးခင်မှာ

*ကြားဝင်ဖြတ်ပြောခြင်း

*မိသားစုနဲ့ ညစာစားနေစဉ်မှာ ဖုန်းပြောနေခြင်း

*စာတစ်စောင်ကို မလိုအပ်ဘဲ အကြိမ်ကြိမ်ဖတ်နေခြင်း

*ညမိုးချုပ်ထိ တီဗွီထိုင်ကြည့်နေခြင်း

*မိသားစုနဲ့အတူ နေရမယ့်အစား အရေးမကြီးဘဲ အချိန်ပို အလုပ်ဆင်းခြင်း

*ကျန်းမာရေးနဲ့ မညီတဲ့ အစားအစာတွေကို တစ်ပတ်မှာ ၂ ရက်ထက် ပိုစားခြင်း

ဗန်းမော်သိန်းဖေ ဘာသာပြန်ဆိုတဲ့ အိပ်မက်လှလှ အောင်မြင်သောဘဝ စာအုပ်မှ ကောက်နှုတ်ဖော်ပြပါသည်။