'' အခုလိုခက်ခဲနေတဲ့ ကာလမျိုးမှာ #စိတ်ဓာတ်ကျစိတ်ပျက်ဝမ်းနည်းအားငယ်နေတဲ့ သူတွေကို စိတ်ခွန်အားပေးထားတဲ့ '' HOPE ''
ကိုယ်တိုင် အကြွေးတွေတင်ပြီး ဆင်းရဲခက်ခဲနေခဲ့တဲ့အချိန်မှာ တွေ့ကြုံခဲ့ရတဲ့ ခက်ခဲမှုတွေကို ဘယ်လိုကျော်ဖြတ်ခဲ့လဲ ကို #မြန်မာလိုပဲပြန်လည်ရေးသားထားတဲ့ စာအုပ်လေးပါ။
အကြွေး သိန်းထောင်ချီတင်နေတဲ့ သုညတောင် မက Minus ပြနေတဲ့ ဘဝကနေ ဘယ်လို လုပ်ငန်း တွေလုပ်ပြီး ပြန်အဆင်ပြေလာလဲ.. လူတွေကို ကူညီလာနိုင်လဲ ဆိုတာလည်း အသေးစိတ်ပြန်ရေးပေးထားပါတယ်။
ကျွန်တော်က စာရေးဆရာမဟုတ်ပါဘူး။ဘဝ အတွေ့အကြုံ အကြောင်းတွေကို ပြန်ပြောပြပေးနေတဲ့ သာမန်လူတစ်ယောက် ဖြစ်တဲ့အတွက် ဆောင်ရန်ရှောင်ရန်လေးတွေနဲ့ ခက်ခဲနေတဲ့ကာလမှ စိတ်ကိုဘယ်လိုထားရမလဲ ဆိုတာကို Sharing လေးပြန်လုပ်ပေးတာပါ။
စာအုပ်လေး နာမည်က " HOPE " ပါ။ မြန်မာလိုကတော့ " မျှော်လင့်ချက် " ပေါ့။
ဒါပေမယ့် ဒီ HOPE ရဲ့ အရှည်ကောက်က " Hold On, Pain Ends " ပါ။ " နာကျင်စရာတွေ ပြီးတော့မယ်.. အားတင်းထား " ဆိုတဲ့ အဓိပ္ပါယ်လေးပါ။
ကိုယ်တိုင်က စာဖတ်ပျင်းသူတစ်ယောက်ဖြစ်လို့ တစ်နှစ်လုံးနေလို့ စာတစ်အုပ်မဖတ်ဖြစ်ပါဘူး။ စာမဖတ်တော့ ဗဟုသုတမရှိ အမြင်မရှိတော့ အတွေ့အကြုံတွေကို ငွေပေးပြီး ဝယ်ယူခဲ့ရပါတယ်။
တစ်ချို့အမှားတွေက သိန်းဆယ်ချီတန်ပါတယ်။ တစ်ချို့အမှားတွေက သိန်းရာချီတန်ပါတယ်။ဒိီစာအုပ်လေးက ကိုယ်လို မမှားမိအောင် ဆင်ခြင်နိုင်ဖို့ ထုတ်တဲ့ စာအုပ်လေးဖြစ်ပါတယ်။
ကျွန်တော် ဖြတ်သန်းလာရတဲ့ အနိမ့်အမြင့်အတက်အကျတွေရယ်။ အမှားတွေ သင်ခန်းစာတွေကို ချရေးထားတာ ဖြစ်လို့ အကျိုးမရှိရင်တောင် အကျိုးမမဲ့စေရပါဘူး။
သင့်ပတ်ဝန်းကျင်မှာ အရမ်းစိတ်ဓာတ်ကျ စိတ်ပျက်နေတဲ့ သူရှိရင် ဒီစာအုပ် ကိုဖတ်ခိုင်းပေးပါ။
ကိုယ်တွေ့အတွေ့အကြုံ စစ်စစ်တွေဖြစ်လို့ အကျိုးမရှိ ရင် တောင်
အကျိုး မမဲ့ စေရဘူးလို့ အာမခံပါတယ်။
ဒီစာအုပ်ဖတ်လို့ ဘဝကိုအရှုံးပေးပြီး သတ်သေမယ့်သူတစ်ဦး သတ်မသေဖြစ် တော့ရင် ရေးရကျိုးနပ်ပါပြီ။
အားလုံး ခွန်အားရကြပါစေ။
