ဤစာအုပ်သည် နိုင်ငံရပ်ခြားအထူးသဖြင့် အာရှနှင့် အရှေ့ အလယ်ပိုင်းနိုင်ငံများသို့ သွားရောက်အလုပ်လုပ်ကိုင်ကြမည့် အထွေထွေ လုပ်သား (General Workers) များအတွက် ရည်ရွယ်ပြီးရေးသားထားသော လုပ်ငန်းခွင်စကားပြောစာအုပ်တစ်အုပ်ဖြစ်ပါသည်။
လုပ်ငန်းခွင်တွင် အလွယ်တကူနားလည် ပြောဆိုဆက်ဆံတတ် စေရန် အဓိကရေးသားထားခြင်းဖြစ်သည့်အတွက် အခြေခံအင်္ဂလိပ် စကားပြောကို တတ်ကျွမ်းထားပြီးသူများသာမက အခြေခံလုံးဝမရှိသေး သောသူများအတွက်ပါ အသုံးဝင်မည့်စာအုပ် ကောင်းတစ်အုပ်ဖြစ်ပါသည်။
လုပ်ငန်းခွင်ဝင်ကြမည့်သူများအနေဖြင့် မိမိသွားရောက်မည့်နိုင်ငံ ယင်းနိုင်ငံတွင် အဓိကထားပြောဆိုသော ဘာသာစကား ပြောဆို ဆက်ဆံရမည့် ပတ်ဝန်းကျင် မိမိနှင့်ပြောဆိုဆက်ဆံရမည့်သူများ စသည့် အချက်များကို သေချာစွာသိရှိထားပြီးမှသာ မိမိသည် မည်သည့်ဘာသာ စကား မည်သည့်စကားပြောပုံစံများကို ကြိုတင်လေ့လာသင်ယူထားသင့် ကြောင်း သဘောပေါက်နားလည်လာပါလိမ့်မည်။
ဤစာအုပ်ပါ မြန်မာအသံထွက်များသည် အနီးစပ်ဆုံး အသံထွက် များသာဖြစ်ပြီး စကားပြောကိုသာ ဦးစားပေးလေ့လာကြမည့်သူများအတွက် ရည်ရွယ်ထည့်သွင်းပေးထားခြင်းဖြစ်ပါသည်။
