““ဆယ်တန်းမအောင်တာ အရေးမကြီးဘူး အလိုက်သိဖို့ အရေးကြီးတယ်” ဆိုတဲ့စကားလို နေရာသစ်မှာ ရုန်းကန်ရတဲ့အခါ အိမ်ရှင်တွေကို စိတ်ညစ်အောင် မလုပ်မိဖို့ အရေးကြီးပါတယ်”
“ဒါပေမယ့် မြန်မာနိုင်ငံမှာ သောက်သောက်လဲချမ်းသာပြီး ကုမ္ပဏီကြီးတွေပိုင်၊ ငွေတွေပြိုင်တဲ့ လူ့မလိုင်တွေအတွက်တော့ အမေရိကားဟာ သကြားနဲ့ပျားသကာတို့ရော ထားပြီး ချောကလက်နဲ့ အချိုတက်နေတဲ့ အလည်မပြတ်တဲ့ ရေခဲမုန့်ပုံးကြီးထဲ ကျသွားတဲ့ ကိုရွှေပျားလို ကာလာစုံအပျော်တွေများနေမှာကတော့ အသေအချာပါပဲ”
ကိုညီညီ (တောင်ကြီး)
ကိုညီညီ (တောင်ကြီး) ဟာ သူ့ရဲ့အစောပိုင်းနှစ်တွေကရခဲ့တဲ့ အမေရိကား အတွေ့အကြုံတွေ၊ သင်ခန်းစာတွေကို နောက်လူတွေ သိနိုင်အောင်၊ အမေရိကားရောက်ခါစ အချိန်ကာလတွေ မှာ သိထားသင့်တဲ့အချက်တွေ၊ ဆောင်ရန် ရှောင်ရန်တွေကို ဒီဆောင်းပါးတွေထဲမှာ အိပ်သွန် ဖာမှောက် ချပြထားပါတယ်။ သူ့ရဲ့ စေတနာနဲ့ သူစိုက်ထုတ်ထားတဲ့ ဝိရိယတို့ကို စာဖတ်သူတို့ ခံစားသိမြင်နိုင်မယ်လို့ ယုံကြည်ပါတယ်။
ဒေါက်တာစိုးသန်း (အင်္ဂလိပ်စာ)
